Den 21. September heescht et erëm: Alles op de Vëlo!

Am Kader vun der Europäescher Mobilitéitswoch 2025 invitéieren déi Bartrenger a Stroossener Gemengen Iech op en interkommunalen Tour mam Vëlo.

Op dësem flotten Tour vun 9.5 an 16.5 Kilometer entdeckt Dir d’Vëlospisten an a ronderëm eis Gemengen a gesitt wéi een am Alldag sécher mam Vëlo iwwert d’Vëlospisten an duerch d‘30er Zone fiert.

Lass geet et um 9.30 bei der Bartrenger Gemeng. D’Arrivée ass fir 12 Auer am Foyer vum Centre Atert geplangt, wou déi Bartrenger Gemeng e Patt offréiert.